2022 Hugum að hafinu. Vitundarvakning um plast í hafi og hringrásarhagkerfi. Verkefnastjórn og efnisgerð. Unnið fyrir Landvernd, styrkt af Umhverfis- orku- og loftslagsráðuneyti og NordMarPlastics.
2022 Náttúrukortið. Vefsjá sem sýnir einstaka náttúru landsins sem er í hættu vegna áætlana um orkuvinnslu. Verkefnastjórn og uppsetning á vef fyrir Landvernd. Skoða Náttúrukortið.
2020-2021 Prufukeyrsla á valdeflandi námsefni um loftslagsmál í grunnskóla. Samstarfsverkefni Skóla á grænni grein, Landverndar og Fossvogsskóla. Verkefnastjórn. Styrkt af Sprotasjóði.
2021 Hreint haf – Plast á norðurslóðum. Valdeflandi námsefni um hafið og plast í hafi. Útgefið af Menntamálastofnun í samstarfi við Landvernd. Bókin kom samtímis út hjá Norden i skolen á 6 tungumálum. Unnið fyrir Landvernd, og styrkt af NordMarPlastics. Höfundur og verkefnastjórn. Skoða Hreint haf – Plast á norðurslóðum – rafbók og verkefni.
2020 Endurhugsum framtíðina – Hvað getum við gert? Stuttþáttaröð Landverndar um neyslu. Hugmyndasmiður, handritshöfundur og verkefnastjórn (framleiðsla). Horfa á Endurhugsum framtíðina.
2020 Endurgerð vefsíðu Landverndar. Umsjón með skipulagi, efnisgerð og vinna við uppsetningu. Leitarvélabestun. landvernd.is
2019 Hreint haf. Rafbók um haflæsi og þær ógnir sem steðja að hafinu. Hafið er notað sem rauður þráður til að takast á við flókin viðfangsefni eins og loftslagsbreytingar, hnattræna hlýnun og mengun af mannavöldum.
Útgefandi, Landvernd, endurútgefið hjá Menntamálastofnun 2020. Verkefnið var styrkt af Þróunarsjóði námsgagna og Sprotasjóði. Skoða Hreint haf – rafbók og verkefni.
2017-2018 Hreint haf – ungt fólk gegn plastmengun í hafi. Þróunarverkefni Skóla á grænni grein, Landverndar og Grunnskóla Snæfellsbæjar. Verkefnastjórn. Styrkt af Sprotasjóði. Lokaskýrsla.
2017-2018 Hreinsum Ísland. Norræni strandhreinsunardagurinn og árvekniátak Landverndar um plast í hafi. Samstarfsverkefni Landverndar, Bláa hersins, Earth Check, Lions á Íslandi og Svæðisgarðisins Snæfellsness. Skipulag og umsjón með árvekniátaki. Verkefnið var tilnefnt til Umhverfisverðlauna Norðurlandaráðs 2018.
2017 Vísindavaka. Námsvefur um ferli vísinda. Nemendamiðað námsefni. Verkefnastýra, höfundur og útgefandi námsefnisins í samstarfi við Náttúrutorg.
Meðhöfundur: Ingibjörg Hauksdóttir.
Verkefnið var styrkt af Þróunarsjóði námsgagna. Vísindavaka á vefnum.
2017 Hreintungumánuður á Facebook. Hreintungumánuður er árleg áskorun þar sem meðlimir heita því að sleppa slettum í nóvembermánuði. Hugarsmíð og umsjón.
2016-2017 Þróun og prufukeyrsla nemendamiðaðra kennslutóla í umhverfismennt. Samstarfsverkefni Skóla á grænni grein, Landverndar og Hvolsskóla. Verkefnastjórn. Styrkt af Sprotasjóði.
2016 Jörð í hættu!? Nemendamiðað námsefni um umhverfismál og getu til aðgerða.
Verkefnastýra, höfundur og útgefandi námsefnisins. Verkefnið samþættir náttúrugreinar og samfélagsgreinar og er áhersla lögð á lykilhæfni.
Meðhöfundur: Ingibjörg Hauksdóttir.
Verkefnið var styrkt af Náttúruverndarsjóði Pálma Jónssonar. Skoða Jörð í hættu!?
2016 Skapandi Skóli, Fjölbreyttir kennsluhættir og stafræn miðlun.
Handbók um skólastarf. Meðhöfundar: Björgvin Ívar
Guðbrandsson, Sigrún Cortes og Torfi Hjartarson. Útgefandi: Menntamálastofnun, Kópavogi. Fletta Skapandi skóli.
2016 Hönnun námsefnis Eðlisfræðin í hafinu fyrir fyrirtækið LIFRIKI.
2013 Ritstýra endurútgáfu Kynungabókar á vef fyrir Mennta- og menningarráðuneytið.
2009 Mótun og innleiðing jafnréttisstefnu í Langholtsskóla.
2006 Hönnun námsefnis og útikennslustofu við Elliðavatn. Sá um, í samstarfi við Skógrækt Reykjavíkur og Umhverfissvið Reykjavíkur, hönnun útikennslustofu við Elliðavatn og námsefnis fyrir útikennsluskrín Náttúruskóla Íslands nú hýst hjá Miðstöð útivistar og útináms. Skoða verkefnakistu: MÚÚ
2006 Leonardo styrkþegi við Freie University, Berlín; Atferlisrannsókn á órangútum í dýragarðinum í Berlín, Berliner Zoo.s
